Женското списание Glamour направиле истражување меѓу 300 жени од различна возраст и со различна структура на телото. Поразувачките резултати покажале дека дури 97% од жените еднаш дневно помислува нешто лошо во врска со својот изглед...

Дури 97% од жените еднаш дневно своето тело го „почестуваат“ со навреда кои најчесто се однесуваат на бројот килограми, па и на изгледот на одредени делови од телото.

Тоа го покажа истражувањето на списанието Glamour во кое учествувале 300 жени од различна возраст и со различна структура на телото. Дури 13 лично упатени навреди е просек на женското секојдневие, обележани со реклами од кои се смешкаат жени со совршени пропорции или ѕвезди посветени на постигнување совршенство под секоја цена.

„Стана социјално прифатливо да се критикува наместо да се биде горд на својот изглед“, истакна психологот Ann Kearney-Cooke, која го поттикнала споменатото истражување.

Интересно е што негативните коментари кои пријателките си ги упатуваат на своја сметка, влијаат и самите за себе да размислуваме во негативен контекст.

А кои се најчестите навреди кои жените сами си ги упатуваат секојдневно?

„Имам дебел задник.“

„Го мразам својот стомак.“

„Ги мразам своите раце.“

„Имам дебел стомак, затоа немам партнер.“

„Погледни ја нејзината половина и нејзините нозе! Иста висина сме, но таа изгледа како модел, а јас како балон.“

„Грда сум.“

„Преслаба сум. Изгледам болно.“

Мора да признаете дека никој друг не би ве навредил така, како што се навредувате самите. Затоа не потценувајте ја силата на самоуверувањете поради која пропуштате да го видите одразот на убава и здрава жена во огледалото.