Љубовта е најчестата причина поради која и мажите и жените стапуваат во брак. Се надеваме дека романтиката успешно збогатена со доверба и почит и понатаму ќе остане темел и мотив на секоја брачна заедница, но прочитајте кои се останатите причини за мажите да стапат во брак...
1. Ако им се верува на истажувањата, дури две третитини од анкетираните мажи велат дека своето судбоносно „да“ го изговориле само затоа што „таа инсистираше на тоа“.
2. Секој втор маж се жени затоа што бракот докажано влијае на кариерата. Сфатиле дека и вечнавањето е еден од моралните елементи на патот до успехот. Дознале дека тие кои несебично ја трошат својата енергија на љубовни освојувања, врски и помини за една вечер, во очите на партнерот не вредат баш многу. Напротив, оженетите мажи не само што знаат што е работа, туки и во стресни ситуации имаат дежурен терапевт, сопствената сопруга.
3. Многу од мажите во брак влегуваат поради најприродната причина, затоа што сакаат да станат татковци или затоа што имаат бебе на пат.
4. Но, освен зачувувањето на видот, мажите се склони и кон експериментирање. Бракот за нив претставува интересен предизвик кој во животот еднаш треба да се проба.
5. Понатаму, со времето и најгордите волци-самци почнува да ги нагризува страв од осаменост што речиси преку ноќ стануваат свесни за фактот дека телевизија сепак е поубаво да се гледа во друштво, со жена.
6. Мажите многу повеќе отколку што се мисли, се робови на традициите, па дури секој трет стапува во брак поради традицијата. Притоа во главно се тешат со фактот дека тоа едноставно само по себе е разбирлив и вообичаен облик на однесување, на кои подлегнале (и го преживеале) и неговите сопствени родители.
7. Бракот поради материјални причини, мотивот во предрасудите резервирани за жените, имаат свои поклоници во машкиот свет. Имено, секој петти маж се жени поради пари, имот или наследството на својата идна сопруга.
8. Добро одгледаните синови ќе го сторат „тоа“ и по желба на родителите, при што зборот од мајката се почитува многу повеќе од оној на таткото.
9. Меѓу најчестите причини за стапување во брак, се разбира, љубовта. Иако поради љубов се жени само секој десетти маж, не е се така црно како што изгледа. Имено, толку мал процент на појавување на љубовта како мотив, психолозите не го препишуваат на емоционалната ладнотија туку на традиционалната воздржаност на мажите во искажувањето на чувствата.
10. Веднаш по љубовта доаѓа љубомората. Во основа на овој мотив е да се „привлече“ саканата личност и да се направи попрво неинтересна сопруга и се разбира мајка, отколку да се остави слободна и да се даде шанса некој друг да ја „грабне“.
