Набљудувајќи паровите како се однесуваат може да се забележи дека живеат различна љубов. Некои врската ја збогатуваат, додека другите ја осиромашуваат и скратуваат...

Дали ви паднало на памет да ги набљудувате паровите како меѓусебно се оденесуваат, да живеат различна љубов. Некои веројатно ќе речат дека тоа воопшто не е важно, додека некој се сака. Психолозите истакнуваат дека некои врската ја збогатуваат, додека други ја осиромашуваат и скратуваат.

Романтичната љубов е таа љубов во која личноста непрестано мисли за својот партнер, е љубоморна, нереална, толерира многу нешта, чувствува константна физичка привлечност. Истовремено, непрестано бара докази дека љубовта и е возвратена во иста мера. Таков вид на љубов обично трае неколку месеци до неколку години.

Пријателска љубов е оној вид на љубов, во која љубовниците уживаат во заедничкото и блиско пријателство. Оваа љубов е пријатна, полека но сигурно се развива, не бара докажување и не е оптоварена со секс.

Несебична љубов е карактеристична за паровите каде што и двајцата, а понекогаш, за жал, само еден сака несебично. Ваквите луѓе често се спремни да ги жртвуваат своите желби за да го задоволат партнерот или да го поддржат во остварувањето на идеите. Еден партнер дава се, не очекува ништо за возврат.

Пресметена љубов е присутна саму таму каде партнерот внимателно ги набљудува луѓето кои ги познава, барајќи ја "вистинската" која му одговара, која му е слична по интересите, материјалниот статус, потекло...

Љубов "игра" е таков вид на љубов во која еден или и двајцата партнери уживаат во игрите на заведување, освојување, излегување... Кај нив не се јавува големо чувство и никогаш не се врзуваат на подолг рок. Кога партнерите освојуваат, играта станува досадна.

Љубов за покажување е карактеристична за луѓето кои пронаоѓаат партнери кои ги импресионира нивниот статус или појава. Таквите партнери "сакаат" само онолку, колку да можат да покажуваат на другите.