Убаво сте се сложувале, но по некое време почнавте да влетувате од кавга во кавга...

Сите имаме мани и не изненадувајте се што голем дел од расправата се врти околу истите стари проблематични прашања како што се домашните работи, парите, неслога со пријателите на партнерот или семејството, одлуката за тоа кога ќе се венчате итн.

Како се расправаат среќните парови?

Повеќе разговараат и ги откриваат своите чувства. Партнерите јасно и отворено разговараат па нивните зборови неможат двосмислено да се толкуваат.

Активно се слушаат еден на друг (многумина климаат со главата и испуштаат звуци на разбирање) и своите расправии ги обогатуваат со изрази на почит и поттикнување ("сваќам што сакаш да кажеш", "Те сакам иако ова ме вознемирува"...).

Смирени се и способни рационално да размислуваат. Водат грижа за чувствата на партнерот и расправите често завршуваат со нежност ("Дојди да те прегрнам").

Несреќните двојки се расправаат спротивно на сето ова, и во дополнение:

Зборуваат гласно така да партнерите мораат непрестано да се борат за да ги слушне оној другиот.

Го бараат негативното значење во се. Ако постои двосмислена трага, веднаш се фаќаат за негативната интерпретација.

Се потсмеваат и навредуваат еден на друг. Во поголемиот дел од нивните дискусии се нарекуваат со други имиња, и наместо да се обидат да го решат проблемот тие се критикуваат.

Што мислите вие, кој вид на расправија е конструктивна и донесува решение на проблемот?