Најкраткиот пат до срцето на една жена, се чини дека е преку ушите...

Во студијата, објавена во магазинот Psychology of music, француските научници го тестирале ефектот на романтичните песни на младите жени, на возраст од 18 до 20 години.

Некои од нив слушале романтична музика, полна со љубовни стихови, додека на други им било пуштено нешто неутрално. Девојките чекале во ред за дегустација на некој производ, а со нив се нашол и еден од научниците, кој одглумил обичен младич кој исто така чека во редот.

Како што одминувало времето, младичот од девојките почнал да ги бара броевите од телефоните. 52% од девојките, кои слушале романтична музика, се согласиле да му дадат контакт, за разлика од девојките кои слушале неутрална музика, кои броеви дале само 28% од нив.

Затоа идниот пат размислете кога ќе пуштите некоја песна пред девојка.