Љубовта на прв поглед се случува во 5% од врските и истражувањата покажуваат дека тоа е повеќе последица на надежта...

Жените кои веднаш се вљубуваат исто толку брзо и се одвљубуваат. Мажите кои се вљубуваат на прв поглед остануваат долго вљубени. Зошто? Затоа што мажите се вљубуваат во изгледот на жената.

Бидејќи физичките карактеристики не се менуваат брзо, тој е задоволен некое време. Жените пак, се вљубуваат во своето мислење за мажите, а тоа е тешко да се добие за пет минути.

Кога жената открива дека тој не е толку паметен, шармантен, забавен...како што изгледа, тоа чувство прилично брзо испарува, вели Трејси Кокс во книгата "Жешки врски".

Љубовта на прв поглед може да се случи бидејќи сте подготвени на тоа (моментот е погоден) или затоа што сте запознале некој кој на прв поглед има најважни особини за вашата листа на желби.

Некои експерти сметаат дека нашата потсвест едноставно ги одбираат личностите кои не потсетуваат на некој кој многу сме го сакале (на поранешниот партнер или дури и на родителите). ВО тој случај се јавува чувство на препознавање, бидејќи мирисот или движењето одговара на некој кој веќе го знаеме или сакаме.

Нашиот мозок многу вешто ги препознава познатите елементи како облик на лицето и недофатливиот мирис. Кога ќе ги забележи веднаш почнува да ги обработува податоците и предизвикува биолошки одговор во телото.

Отчукувањата на срцето стануваат се побрзи, крвта побрзо струи и се чувствувате како да сте испиле шест чаши шапањ.

Во исто време, мозокот ослободува допамин и серотин, кои не прават среќни и емоционални.