Просечна девојка од Шпанија иницира 1.33 онлајн контакти со мажи, што е дупло повеќе од британките (0.78), французинките (0.69) и повеќе од два пати од американките (0.63)...

Девојките од Шпанија преферираат состаноци преку интернет, покажало истражувањето на сајтот badoo.com, кој се занимава со запознавање и поврзување на луѓе.

Сајтот badoo.com го користат речиси 80 милиони луѓе од околу 240 земји во светот, а истражувањата на овој сајт покажале дека жените во Шпанија најмногу се заинтересирани да најдат партнери на интернет. Оваа констатација е резултат на анализа на 90 милиони контакти направени во текот на месецот.

Така заклучиле дека просечна девојка од Шпанија месечно иницира 1.33 онлајн контакти со мажи, што е дупло повеќе од британките (0.78), французинките (0.69) и повеќе од два пати од американките (0.63).

И девојките од Полска го обожаваат "интернет дејтингот", тие се наоѓаат на втората позиција, а по нив следуваат дамите од Доминиканската Република. Италијанките се на четвртото место, а жените од Аргентина на петтото.

Земјите во кои се употребува италијанскиот, шпанскиот и португалскиот јазик се водечки на листата на онлајн флертувањето, заклучила од сајтот badoo.com.

Комплетната листа изгледа вака:

1. Шпанија
2. Полска
3. Доминиканска Република
4. Италија
5. Аргентина
6. Бразил
7. Чиле
8. Португалија
9. Канада
10. Венецуела
11. Холандија
12. Германија
13. Колумбија
14. Велика Британија
15. Чешка
16. Мексико
17. Франција
18. Белгија
19. Америка
20. Еквадор