Високите потпетици, краткото фустанче и деколтето долго време беа главното женско "оружје". Изгледа тоа не е најдобриот избор ако сакате да го заведете...

Судејќи по резултатите кои неодамна ги спроведиле научниците од универзитетот во Сиднеј, ако сакате да привлечете внимание на маж, кој ви се допаѓа, покажете му ги рацете.

Психолозите на испитаниците од машкиот пол им покажале видео снимки на 96 жени на старост од 20 до 49 години, а потоа требало да го оценат сексапилот кај секоја од нив.

Резултатите покажале дека најдобро "котираат" жените со убаво обликувани, и умерено мускулести долги раце, пишува "Дејли мејл".

За тоа како мажите ја доживуваат жената влијаеле и колковите, додека деколтето и должината на нозете не биле од особена важност, се наведува во студијата објавена во списанието за еволутивна биологија.

Значи, доколку сакате да го соборите на колена, заборавете на краткото фустанче и покажете му ги рацете.