Кога ќе одлучите да ја раскинете врската, постојат неколку "правила" до кои би требало да се придржувате за се да помине цивилизирано. Сепак не очекувајте да биде безболно...

Не одлoжувајте го раскинувањето

Ако сте свесни дека врската повеќе не функционира, соопштете му го тоа на партнерот без одлагање. Секоја следна недела ќе ја направи ситуацијата потешка, а вам ќе ви биде се полошо и полошо. Одлагањето не е фер ниту кон вашиот партнер, сите заслужуваат искреност, особено луѓето кои некогаш сте ги сакале.

Соопштете му на партнерот дека е крај, не чекајте тоа сам да го забележи

Бидете отворени, кажете му што ви е на душа. Колку ви е тешко и непријатно својата одлука за раскинувањето да ја префрлите преку уста, морате тоа да го направите.

Немојте само да го промените однесувањето во согласност со својата одлука и да чекате партнерот сам да забележа дека нешто не е во ред. Дури и ако тој пат ви делува полесно, таквата постапка делува грдо и никој не ја заслужува, а не особено личностите кои до вчера сте ги сакале.

Не обидувајте се да останете пријатели

Нема потреба да останете во пријателски односи со поранешниот партнер. Тоа не значи дека не треба да се поздравувате на улица, но било какво гледање е сосема непотребно.

Не прекинувајте непријателски

Ова всушност значи дека не смеете да бидете сурови и саркастични. Бидете искрени, но пристојни. Покажете почитување кон партнерот со кој сигурно сте поминале многу убави моменти.