Истражувачите откриле дека, тајната на женската привлечност се крие во односот на половината и колковите...
Ако половината на жените е 70% од обемот на колковите, може да се каже дека жената има идеални пропорции, кои се од суштинско значење за нејзината привлечност, далеку позначајни од нејзината тежина, големи на гради и интелигенција.
Истражувачите исто така откриле дека мажите се способни само за неколку милисекунди да ја изведат оваа "математика".
Жените кои се како песочен часовник како Мерлин Монри, Џесика Алба, но и Кејт Мос, немаат само совршено, туку и здраво тело, истакнуваат научниците.
Варнава Диксон антрополог од универзитетот во Велингтон, Нов Зеланд, проучувал што е за мажите и жените меѓусебно привлечно низ различни историски периоди.
Тој на група волонтери им дал да видат слики од жени на кои градите, половините и колковите биле дигитално изменети. Иако на почетокот најмногу гледале во градите, волонтерите нејголема привлечност покажале кон жените градени во облик на песочен часовник.
"За мажите најатрактивно тело е телото во облик на песочен часовник со витка половина", рекол д-р Диксон во статија објавена во Архива на сексуално однесување.
"Тој фатален однос половина - колкови им праќа биолошки сигнал на мажите дека таа жена е во состојба да обезбеди здраво потомство", објаснил тој.
