Каков е тој "фактор х" кој ве наведува да се загледате во некого и да кажете - тоа е вистинскиот или вистинската...?

Кога станува збор за жените, дел од одговорот можеби се наоѓа во несвесното споредување доколку избраникот на нејзиното срце личи на нејзиниот татко, не толку физички колку по карактер, интелигенција и темперамент.

До ваков заклучок дошла психологот Линда Батројд која предводела тим на истражувачи од британскиот универзитет Дархам.

Таа докажала дека жената која во детството имала добри односи со својот татко во 90% од случаите избираат партнер кој физички и ментално е најсличен на нејзиниот татко.

Истражувачите барале доказ за "родителскиот сексуален печат", тоа е некоја врста на "сексуална ориентација" на жените кон карактеристиките кои ги краси некои од особините на нејзиниот татко. 

Во текот на истражувањето на група жени им биле прикажувани лица на мажи и побарано им било да ја оценат нивната привлечност.

Од жените исто така било побарано да го оценат својот оснос со нивните татковци, посебно во време на растењето и да кажат колку време поминувале со нив и колку играле улога во нивното растење.

Истражувањето всушност било некаков вид на продолжување на претходниот експеримент на Томас Берекеј во кој било прикажано дека жените чувствуваат нетрпеливост кон свекрвите - доколку нивните сопрузи како деца биле "мамини синови".

Феноменот "родителски сексуален печат" кој покажува симпатија и љубов, но и нетрпеливост, забележан е и кај многу животни а посебно бил изразен кај зебрата.