Четвртина од жените намерно го будат својот маж, и тоа само поради тоа што се љубоморни бидејќи тој спие а таа сеуште неможе да заспие...

Истражувањето спроведено во Велика Британија покажа дека на мажите им се потребни десетина минути да потонат во сон, додека на жените тоа трае до еден час. Тогаш на сцена настапува "сонливата љубомора", или намерниот обид да го разбудат својот партнер, само за да не го гледат како тој мирно спие додека таа и понатаму е будна.

Меѓу "тактиките" кои најчесто се користат се нагласеното превртување во креветот, "случајниот" гласен звук како што е испуштањето на некој предмет на подот, па дури и вклучување на светло или телевизорот иако партнерот спие.

Една од десет анкетирани жени признале дека намерно го штипнуваат партнерот и се прават како ништо да не било, само за да го разбудат. "Понекогаш и на двајцата им е тешко да потонат во сон, но дополнителна фрустација има кога гледате пред вас како некој мирно спие", соопштила компанијата за производство на душеци "Silent Night", која ја направила анкетата.