Брачниот пар кој има пријатели кои се разведуваат или се веќе разведени, има поголеми шанси и тие да кренат по тој пат, покажало едно истражување...

Ако бракот на вашиот најдобар пријател или пријателка пропадна, а вие се држите добро со вашиот, сепак внимавајте бидејќи реперкусијата по цврстина на вашиот брак е неизбежна. Откритијата до кои дошле американските истражувачи покажале дека разводот се шири како вирус низ семејството, професионалната средина и групата на пријатели.

Домино ефектот е толкав што доколку некој ваш пријател или близок колега се разведува, вашите шанси за развод растат за 75%. Истражувањето покажало дека дури и разводот на пријателот на вашиот пријател може за 33% да влијае на вашиот развод. 

Ако имате разведен брат или сестра, тоа ги зголемува шансите за развод за 22%. На чело на истражувањето што е во тек веќе со децении биле вклучени 12.000 американци од Фрамингем во Нова Англија, а маѓу нив се нашла и Роуз Макдермот, професор по политички науки на универзитетот Браун во американската сојузна држава Род Ајленд.

Ефектот е едноставен, бидејќи разводот на некој пријател, ќе ве натера да се прашате во исправноста на вашиот брак. Во истражувањето е утврдено дека што е поголем бројот на разведени кои ги познавате, толку е поголема можноста, вашиот брак да биде компромитиран.