Еден женски допир, ги тера мажите да се чувствуваат посигурни и да превземат повеќе ризици. Тоа го покажува новата анкета објавена во списанието "Psychological Science".
Научниците од Универзитетот во Алберта, направиле истражувања во некои казина и открија дека, еден женски допир по грбот, ги поттикнува мажите да превземат повеќе ризици и да вложуваат повеќе пари, отколку, ако само разговараат со предметната дама.
Според научниците, причината за ефектите на женскиот допир е поврзана со љубовта и грижата што мажите се навикнати да ја добиваат од своите мајки уште од детството. Мајчините допири го создаваат чувството на приврзаност, мир и спокојство.
Учесниците биле тестирани, за да се види дали се подготвени на поголеми ризици, на пример да заложуваат повеќе пари во коцкарска игра. На почетокот на експериментот сите тие биле поздравени од мажи и жени со мали допири по грбот или ракување. На крајот, од нив било побарано да проценат кога се чувствуваат најзаштитени. Ефектот на допир по грбот бил посилен отколку овој при ракување.
Научниците утврдиле дека допирот на жената влијае на возрасните мажи на истиот начин како и на доенчињата, предизвикувајќи ги да се чувствуваат посилни и да преземат повеќе ризици.
