Фармацевската компанија Bayer спровела истражување според кое 28% од британките тврдат дека е-поштата и интернетот се мешаат во нивниот љубовен живот...

...а за тоа најмногу ги обвинуваат рачните направи Blackberry и iPhone. Околу 55 отсто од жените сметаат дека имаат сиромашен сексуален живот со партнерот, поради неговите долги работни часови, 83% поради неговиот умор, а 74% поради неговата презафатеност.

Студијата исто така покажала дека жените го поместиле нивниот сексуален врв за цела деценија. На секои две жени, повеќе од една се чувствува најсекси во 30-тите години, додека две од три имаат најмногу секс во 20-тите.

Една од десет жени тврди дека стравот од бременоста инхибира во креветот, а една од пет жени признава дека ја избегнува контрацепцијата. Просечна британка има 1.4 пати секс неделно, додека шест од десет жени помеѓу 25 и 34 години сакаат активен сексуален живот.

Две од три жени (65%) велат дека нивните партнери не се трудат доволно во креветот, но една од три жени никогаш не иницира секс и секогаш го пушта партнерот тој да го направи првиот потег.

Четири од десет жени велат дека им е доволен само комплимент за да добијат желба за секс, додека една од три тврди дека нејзиниот сексуален живот и помага за времето кое го има за себе. Но разочарувачки е фактот дека повеќе од една третина од жените во последните месеци не се чувствувале секси, а 14% од нив никогаш не се чувствувале така.