Ако се скаравте со партнерот, не е крај на светот...



Истражувањата покажале дека „држењето во себе“ има многу полоши последици во врската, одошто огнените мислења и аргументи. Психолозите Дејвид Максфилд и Џозеф Грени се автори на книгата 'Crucial Conversations'. Тие направиле истражување со 935 лица во сериозни врски, испитувајќи ги како се носат со конфликтите и несогласувањата со партнерите.

Многу парови се воздржуваат од изразување на своите емоции кога се гневни еден на друг, затоа што се плашат дека ќе започне расправија, која ќе доведе до прекинување на врската. Но, така прават уште поголема грешка.

Лицата што разговараат за љубовните односи, имаат за 10 пати поголеми шанси да бидат среќни во своите врски, отколку поединците што не го прават тоа. Од друга страна, лицата што го држат незадоволството во себе, а своите партнерки ги обвинуваат за недостаток на разговор, многу почесто биле несреќни во врските.