Сите размислуваат зошто постојат неверства и во среќни врски...
Како е можно некој да биде среќен во врската, а сепак да изневерува? Естер Перел, терапевтката за парови ви открива 5 причини за тоа:
1. Неверството денес има повеќе значења - партнерите имаат различна перцепција за неверството, но тоа најпрво започнува во главата.
2. Технологијата ги прави неверствата да бидат многу полесни - интернетот овозможува жените да ги изневеруваат партнерите и емоционално, па дури и сексуално со некој што живее во друга земја.
„Практично можете да го изневерите партнерот додека лежите покрај него во кревет. Во денешно време не морате ниту да излезете од дома за да направите неверство и тоа ги брише границите што постоеле за да бидете интимни со друга личност. Не морате никогаш ниту да ја допрете таа личност, но бакнежот што го замислувате може да има подеднаква сила како и вистинскиот физички контакт“, вели Перел.
3. Потребата за сигурност и потребата за возбудување не се во баланс - „Неверството се случува тогаш кога некој однос ќе стане многу интензивен и без секс. За љубовта е одговорна нашата фантазија, а не другата личност. Секој човек има две основни потреби: потреба за поддршка и стабилност, како и потреба за авантура и мистерија. Кога сме во врска, од лицето бараме истовремено да ни ги задоволи двете потреби“, вели терапевтката Естер Перел.
4. Тие што изневеруваат сакаат да се променат себеси, а не своите партнери - Перел открива дека повеќето нејзини клиенти што биле неверни се луѓе што со години биле моногамни пред да ја преминат границата што мислеле дека никогаш нема да ја преминат. И тоа не се случило поради нешто што нивниот партнер го направил, туку поради потребите за психолошка промена.
5. Сакаат да се чувствуваат живи - неверството не е поврзано само со сексот или љубовта.
„Луѓето низ цел свет зборуваат дека само тогаш се чувствувале живи. Возбудувањето поради помислата дека партнерот може да го открие неверството ја прави личност повнимателна, побудна и поангажирана, а тоа чувство може да биде неодоливо“, вели Перел.
Секако, за крај сакаме да ве предупредиме да не го правите тоа.
