Гил Солано е среќен човек, во понеделникот станал татко на првата ќерка Ева...



Патем доживеал ризична авантура наречена фотографирање на селфи во породилната сала. Гил на Reddit објавил селфи фотка директно од салата кога жена му се пораѓала.

Фотографијата досега ја виделе над 2 милиони луѓе, чии реакции се целосно неочекувани. Коментарите биле од типот на: „Почивај во мир Гил, ќе ни недостасуваш“, „ќе те убие жена ти, го знам тоа затоа што и мојот маж се обиде да го направи ова“, „би се преселил на пуст остров да сум на твое место“.

Но, Гил нема причини за грижа, затоа што неговата сопруга Сара има смисла за хумор дури и во најтешките ситуации, па така ова со задоволство го прифатила.

„Не знаев дека ме слика. Имав трудови неколку часа и Гил ми ја покажа фотографијата за да ми го одвлече вниманието малку и да ме насмее. Ми беше многу смешна и му кажав да ја испрати сликата до нашите пријатели и семејството“, признала Сара.