Експертите ве советуваат да препознате кога вашиот партнер ги преминува границите кога флертува со други...



Флертот не треба да ве загрижува, туку дали границите ќе бидат преминати. Некои луѓе го изедначуваат флертот со неверство, затоа што двете нешта создаваат исто чувство. Нормално е мажот или жената да се чувствуваат загрижени или љубоморни кога партнерот посветува внимание на друга личност, особено кога флертот алудира на сексуална привлечност.

Љубовните и сексуални експерти тврдат дека флертот нема поврзаност со неверството, туку служи за разонода. Напротив, флертот со трета личност може да помогне да се распламти љубовната врска. Но, во одредени случаи може и да направи штета. Ако некој флертува со друг/а, може да биде доказ дека се заинтересирани еден за друг и затоа флертот може да претставува закана за врската. Ако флертот ги вклучува разговорите со сексуална конотација и непримерни допири, бидете сигурни дека сте ја преминале границата на верноста.