Иако не секој од нас го има изневерено својот партнер, мора да признаеме дека секој од нас барем еднаш има погледнато некоја згодна девојка или некој секси дечко подолго од дозволеното или пак има „безопасно„ флертувано со колегата или колешката од соседната канцеларија. Со погоре кажаното се сложуваат експертите, но не и околу некои митови за неверството кои кружат наоколу.

Мит број 1: Луѓето изневеруваат кога се несреќни во домот или врската во која што се наоѓаат.
Па и не баш! Всушност, според експертите и истражувањата, дури и во најхармоничните бракови исполнети со заеднички интереси, задоволства, добра комуникација и прекрасен секс се случува неверство. Дури и некои експерти се дрзнуваат да речат дека мажот е верен колку што му се пружи можност да биде.

Мит број 2: Жените изневеруваат после една до две години откако ќе се почувствуваат за прв пат несакани и неценети и сексуално непосакувани од страна на нивниот партнер.
Експертите не останаа должни и на жените со удирање таму каде што најмногу боли. Тие изјавуваат дека според направените анкети и испитувања, жените се најчесто неверни во првата година од бракот.

Мит број 3: Најчесто изневеруваат луѓе кои се во нивните средновечни години и кога влегуваат во нивниот „втор пубертет“ кога се по потрага по нова возбуда и смисла на животот.
И ова не е точно. Еминентни научници направиле серија испитувања на оваа тема и дошле до заклучок дека и тоа е голема заблуда. Имено, најголемиот број изневерувачи се малди луѓе, во нивните први години од бракот.