Флертувањето на работа е честа појава, а научниците велат дека тоа не е лоша работа...



Со истражување објавено во списанието Journal of Sex and Marital Therapy, испитани се 160 жени во долги љубовни врски и 70% од нив признале дека се вљубиле и во некој друг освен во својот партнер додека биле во врска. Повеќето од нив рекле дека тоа бил колега од работа. Излегува дека со тоа не и наштетиле на својата врска, туку флертот со колегата од работа може да направи добро за врската.

Жените се изјасниле дека флертувајќи со други мажи се случува уште повеќе да го засакаат својот партнер и зголемената желба за секс ја пренеле во својата врска. Повеќето рекле дека флертувањето со друг маж немало негативно влијание врз нивната врска. Флертот на работа може да биде зачинување на врската или бракот на забавен начин. Ситуацијата кога жената се чувствува секси додека зборува со колегата е сигурен знак дека нема да направи ништо повеќе од тоа.

Сепак, треба да се биде внимателен затоа што границата помеѓу бесмислениот флерт и нешто друго може да биде тенка. Ако чувствувате копнеж по колегата, значи дека флертот прераснал во нешто повеќе и тогаш треба да обрнете внимание да не си ја уништите врската и комплицирате животот.