Мажите најверојатно уживаат во сексот во понапредната возраст од жените, утврдиле американските научници...

Мажите можат да очекуваат речиси пет години подолго активен сексуален живот од жените, покажува Анализата на податоците од американско истражување кај речиси 6.000 лица. На 55-годишна возраст мажите имаат пред себе уште во просек 15 години активен сексуален живот, а жените - само 10,5 години, заклучило истражувањето објавено во весникот "British Medical Journal".

Клучот според научниците е доброто здравје, бидејќи тоа го зголемува сексуалната желба. Луѓето во добро здравје имаат два пати повеќе привлечност кон сексот спрема болните или мажите во лошо здравје. Освен тоа тие имаат подобар и редовен секс, еден или два пати неделно, утврдиле експертите. Генерално мажите се сексуално поактивни, имаат подобар сексуален живот и чувствуваат поголема привлечност кон сексот.

Со напредување на возраста разликите меѓу двата пола се зголемуваат. Најголемата разлика е кај луѓето на возраст од 75 до 85 години, при што 38,9% од мажите велат дека се сексуално активни во однос на 16,8% од жените. 41,2% од претставниците на машкиот пол чуствуваат привлечност кон сексот однос на само 11,4% од претставничките на нежниот пол.