Јасно ни е дека нема рецепт, ниту гаранција за совршен брак и љубовна врска...



Секојдневно треба да се работи на односи помеѓу двајца луѓе. Сепак, постојат одредени јасни знаци кои упатуваат дека на врската и нема лек, туку и се заканува распаѓање и развод. Еве кои се тие:

1. Губење на почит - меѓусебното почитување на партнерите е една од најважните состојки за добра врска. Кога почитта исчезнува, еден од партнерите постојано се чувствува отфрлен или понижен.

2. Недостаток на желба за решавање на проблеми - браковите може да „преживеат“ различни работи, од недостаток на секс се до изневерување на едниот или двајцата партнери. Ако едната страна не сака да најде решение, тогаш се наоѓате пред ѕид, кој е тешко да се сруши или прескокне.

3. Платонски односи со поранешни љубовници - неверството може да се прости и заборави, но само ако неверниот партнер ја прекине секоја врска со личноста што била порано во неговиот живот. Не е доволно да кажат само не за сексуална врска со трета личност, туку да покажат и одлучност да ги решат проблемите во бракот.

4. Недостаток на компромис и комуникација - голем дел од бракот се состои од компромиси - се обидувате да ја задоволите другата страна со тоа што истото ќе одговара и на вашите потреби. Отворените комуникациски канали меѓу брачните партнери се неопходни за одржување на рамнотежа. Ако едната страна одбива да ги слуша вашите желби, тогаш вашиот брак има сериозни проблеми.

5. Несогласување за важни прашања - спротивностите се привлекуваат. Спротивните мислења за важни работи би можеле да доведат до брачна криза. Разговорот за потомство е едно од најважните прашања. Ако едната страна многу сака да има деца, а друга страна се противи кон тоа, тогаш пред вас имате дилема која нема позитивно решение за вашиот брак.