Научниците од Универзитетот во Валенсија откриле неверојатни резултати за машката плодност, проучувајќи 50 машки студенти...



Прво е анализирана нивната сперма, а потоа и карактеристиките на нивното лице ги оценувале други мажи и жени. Земени се во предвид големината на очите, висината на долниот дел од лицето, широчината на коските на образите, широчината на усните, широчината на ноздрвите и слично. Потоа следувал тест дали некои од овие одлики се поврзани со спермата.

Откриено е дека привлечноста на лицето на мажот има врска со квалитетот на неговото семе. Мажите со помажествено лице (на пр. широко лице) имале лош квалитет на спермата во споредба со другите мажи, открива истражувањето.

Научниците се уште не можат да потврдат зошто е тоа така, но една теорија вели дека изразените мажествени црти се поврзува со високото ниво на тестостерон. Претходните истражувања откриваат дека високото ниво на тестостерон може да го намали бројот на сперматозоиди. Затоа е голема можноста мажествениот маж да има лош квалитет на сперматозоиди, што влијае врз неговата плодност.

Ова не значи дека атрактивните мажи не се плодни или мажествениот маж со кого излегувате е импотентен. Ова секако не треба да се сфати сериозно затоа што истражувањето е извршено само со 50 мажи, но сепак резултатите се интересни.