Мажите кои обожаваат благо никогаш нема да станат љубовници-херои, велат ирските научници.

Тие советуваат, посилниот пол почесто да го проверува нивото на тестостерон, бидејќи благото е одговорно за неговото брзо намалување, а тоа од своја страна се заканува со неплодност дури и импотентност.
Научниците го провериле влијанието на гликоза врз нивото на тестостерон кај 74 мажи, на кои им понудиле да испијат чаша вода засладена со 75 милиграма гликоза, а потоа е измерено нивото на шеќер во крвта.

Резултатот бил следниот: 42 од 74 тестирани нормално реагирале на гликозата, 23 - намалена чувствителност на шеќер, додека преостанатите девет страдале од дијабетис. Истовремено со тоа авторите на студијата утврдиле дека гликозата довела до намалување на нивото на тестостерон во крвта со цели 25%, без оглед на чувствителноста на мажите на шеќерот. Дури два часа по консумирањето на гликозата нивото на тестостерон останало значително пониско на 99% од тестираните мажи.