Откако се вратила од 6-месечно патување, Карли Батлер од Канада била пречекана дома со многу пријатно изненадување...



Нејзиниот свршеник ја разбудил, па и дал романтично писмо. Меѓутоа, писмото не било само обично и романтично, туку внатре пишувало дека Карли тој ден ќе биде невеста.



„Добро утро убавице. Ова писмо е малку поинакво од сите други што досега ти ги испраќав. Последните неколку месеци ја планирав нашата вереничка веселба со неколку луѓе, со твојата мајка. Тоа што се обидувам да ти го кажам, е дека денес не е нашата вереничка веселба, туку нашата венчавка“, со растреперен глас читала идната невеста.



„Денес сакам само да се опуштиш и да почувствуваш колку те сакам. Смешкај се и забавувај се. Те сакам“, завршува писмото.



После овој позитивен шок, Карли реагирала потврдно и многу среќно му пристапила на подготвувањето и за само неколку часа била подготвена за пред олтар.