Ако сакате да знаете дали ќе успеете да го одржите зборот што го дадовте пред матичарот, имајте предвид каква кариера избравте претходно...



Одредени професии се изложени на поголем ризик за растурање на бракот, па така лекарите многу почесто се разведуваат отколку инженерите.

Според најновото истражување во најризична категорија за уништување на гнездо спаѓаат танчерите, кореографите, бармените или кинезитерапевти, со дури 40% веројатност да се разведат од брачниот партнер.

Болничарите, медицинските техничари, уметниците и спортисти се веднаш зад нив и имаат 30% шанси нивниот брак да се распадне. Најмалку загрозени се браковите со агрономи, со само 2% ризик за развод.

Истражувањето вели дека бројот на работни часови, прекувремената работа и работата за викенд немаат големо влијание за развод.

„Не е чудно тоа што инженерите најмалку се разведуваат, бидејќи тие се рационално личности, кои првенствено бараат стабилност во професијата и во нивните приватни животи“, заклучува Хамид Агини, директорот на агенцијата Relations and Performans.