Кога станува збор за љубов, врска и брак, секој совет е добредојден, особено кога го добиваме од најпопуларните холивудски мажи, кои ги сакаат своите сопруги и со години успешно ги одржуваат бракот и односите...



Пет најсекси мажи ги откриваат своите љубовни тајни и совети, кои во нивниот случај функционираат.



Хју Џекмен
(18 години во брак со актерката и продуцентка Дебора-Ли Фурнес)
"Моето правило број еден е романтично изненадување, но не станува збор за скапи подароци за специјални пригоди. Жена ми ај изненадувам често со букет цвеќе или мали нешта кои ми ги споменува во разговор".



Кевин Бејкон
(16 години во брак со актерката Кира Седгвик)
"Знам точно што сака мојата сопруга и кога ја ќе видам дека е под стрес или малку сме се оддалечиле, се обидувам да ги остварам нејзините мали желби. Кира сака спа третмани, но дома немавме када, а веќе со години планираме преуредување на бањата. Кога беше на пат јас тајно ја реновирав бањата, купив голема када и кога се врати ја пречекав со топла и миризлива купка".



Патрик Демпси
(15 години во брак со актерката Џилијан Финк)
"Клуч за среќна врска е целосно прифаќање на партнерот. Ова значи дека мора да бидеш свесен дека личноста со која живееш не може да се промени. Кога станува збор за несогласувања треба да бидеш подготвен да попуштиш, особено ако не си во право".



Метју МекКонаги
(8 години во врска и 2 години во брак со манекенката Камила Алвес)
"Моето правило е едноставно: `Никогаш не оди во кревет лут. Проблемите постојат за да се решат, наместо да ги натрупуваме под тепих. Затоа Камила и јас имаме здрава врска`".



Ченинг Татум
(7 години во брак со актерката Џена Деван)
"Обожавам кога мојата сопруга се смее и затоа се обидувам да ја расположам со интересни и спонтани ситници. Една од омилените ми е да и ставам скриена љубовна или шеговита порака во фрижидер, бања или на перница".