Со гледање на романтични филмови, се намалува процентот на разводи на млади парови...



Истражувањето на Роналд Роџ, професор по психологија на Универзитетот во Рочестер во Њујорк и Томас Бредбери, директор на Институтот за односи на Универзитетот Калифорнија во Лос Анџелес (UCLA), покажува дека гледањето и дискутирањето за љубовни филмови со партнерот, може да го намали процентот на разводи од 24 на 11%, во текот на првите три години од бракот.

„Оваа едноставна вежба, која е забавна исто така, им овозможува на паровите да ги надминат проблемите во бракот“, се истакнува во истражувањето, во кое биле опфатени 174 брачни парови.

„Гледањето на филмови како што се "Љубовна приказна", "Кој се плаши од Вирџинија Вулф", "Девојката што ја сакав" или "Време за нежност", може да им помогне на сопружниците да го поправат своето однесување и да ја зацврстат нивната врска“, наведуваат истражувачите, чие истражување е објавено во списанието “Journal of Consulting and Clinical Psychology”.