Правилото дека спротивностите се привлекуваат повеќе не важи за долгите љубовни врски, затоа што личностите само се расправаат...



Страницата за запознавање „eHarmony“ извршила истражување и открила дека сличноста е клуч за успехот на долги врски.

Во истражувањето учествувале повеќе од 1.000 двојки, од кои е откриено дека спротивностите се судираат и поради тоа не може да напредува врската, без разлика што можеби имало привлечност на почетокот. Со текот на времето разликите помеѓу двете личности се повеќе излегуваат на виделина и доаѓа до нетрпеливост, поради што сфаќаат дека немаат иднина.
 
Послушните личности можат да привлечат само некој доминантен, но, сепак би било подобро ако и двете личности се доминантни во врската, пишува во истражувањето. Иако повремено можеби ќе се судираат, ќе се чувствуваат рамноправни и затоа врската ќе биде поздрава. Слично на тоа, интровертните личности можат да привлечат екстроверт, бидејќи интровертните се под помал стрес на почетокот на врската поради самодовербата на екстровертната личност.