За мажот да биде во среќен брак со жена, таа мора да биде атрактивна, покажало ново американско истражување...



За време на четиригодишно истражување, психологот Андреа Мелцер следела 450 штотуку венчани брачни двојки, сакајќи да добие одговор на прашањето колку атрактивноста на сопругот му е важна за добар брак.

Мелцер и нејзиниот тим откриле дека изгледот на брачниот другар е поврзан со задоволство во бракот, но, од машка гледна точка.

„Привлечноста на жените влијае врз задоволството на мажот во брак, додека привлечноста на мажот немала речиси воопшто влијание на задоволството на жените во брак, што укажува дека физичката атрактивност на партнерката е многу важна за да биде мажот среќен во бракот, додека жените имаат други поважни фактори за среќен брак“, напишале авторите на истражувањето.

Интересно е и дека атрактивните жени исто така биле позадоволни во бракот, затоа што имале покрај себе среќни мажи.