Сè повеќе убави жени се сами и одвај си наоѓаат момче...



Се чини дека мажите се заситиле од куклите што излегуваат на насловни страници и убавици од телевизија, кои буквално излегуваат од фрижидер, но, и „напумпаните“ риби, кои секојдневно излегуваат во дискотеки и кафулиња, односно убавината не е толкав проблем, колку што е проблем она што се крие внатре во неа.

Истражувања спроведени во Франција покажале дека на мажите убавината и изгледот им се се помалку важни. Поголемо внимание посветуваат на она што лежи внатре во жените, како и насмевката, погледот, шармот и енергијата што ја зрачи жената.

Психолозите од Париз соработувале со машки студенти, кои одговарале на прашањето: "Што е тоа што ги привлекува кај одредена девојка?". Истражувањето покажало дека на листата имало многу работи, а најинтересно е што убавината била на четврто место. Фризурата и облеката не им биле важни, што е сосема спротивно на верувањето дека на момците најважен им е физичкиот изглед на жената.

Мажите рекле дека не значи дека ако жената е нашминкана, со убав фустан, има убава фризура, тие веднаш ќе и пријдат. Ова не им значи ништо ако не видат насмевка и поглед кој им кажува: „пријди ми“. Тој нема да ја забележи розовата боја на карминот, туку киселото лице. Ако имате горда гримаса на лицето и став дека сте недопирливи, не е ни чудо што сте сами.

Психолозите напоменуваат дека дамите не се навистина свесни за тоа колку мажите се плашат од одбивање. Затоа изразот на лицето на женското им е многу важен. Доколку наиде на поглед под веѓите и дискретна насмевка, ќе ви пријде. Намуртеното лице со сигурност нема да го привлече и да го поттикне на првиот чекор. Затоа, ако сакате да ја пронајдете љубовта, однесувајте се така. „Гледањето од високо“ и чекањето на принцот на бел коњ може само да ги уништи шансите да доживеете нова љубов и прекрасни моменти.