Жените денес многу полесно влегуваат во сексуални авантури, имаат многу повеќе партнери и ја губат невиноста многу порано од 20-годишна возраст, покажуваат истражувањата спроведени на Универзитетскиот колеџ во Лондон...



Слични истражувања се спроведени во 1991 и 2001 година, па така развојот на сексуалниот живот на жената јасно се гледа.

Ова истражување, на кое присуствувале повеќе од 15.000 мажи и жени на возраст од 16-74 години, покажало дека 16% од жените експериментирале со истиот пол, за разлика од машките, кои се значително помалку во тоа прашање, однсоно 5%.

Жените пред 20 години имале во просек 4 сексуални партнери во животот, а денес тој број двојно е зголемен. Така полека но сигурно се приближуваат до машката квота од 12 партнери, а невиноста ја губат уште на 16 години.

Интересен е податокот што мажите и жените денес поретко имаат секс отколку порано.

Пред 20 г. се водело љубов 5 пати месечно, а денес само 3.

Професорката Кеј Велингс, која учествувала во спроведувањето на истражувањето, смета дека ова е резултат на загриженоста за работата.

„Луѓето работат многу, многу напорно. Ги носиме дури компјутерите и телефоните во кревет", рекла Велингс.

Таа додава дека добиените резултати ги покажуваат радикалните промени во сексуалниот живот на жените.

"До ​​најголемите промени дошло поради промената на улогите на жените во општеството, подобро образование и можности за контрола на плодноста", заклучува таа.

Сепак, најшокантно откритие е што една од десет жени се принудени да имаат секс и тоа обично со некој што го познаваат, а помалку од половина од тие жени ја доверуваат таа тајна.