Кога следниот пат ќе ви биде тешко да ја изчистите куќата - размислете уште еднаш. Малите промени, меѓу кои и ставањето чиста постелнина, би можеле да ја разбудат вашата и сексуалната желба на вашиот партнер...

Некои вообичаени, секојдневни активности, кои понекогаш ни е тешко да ги направиме, може да ја разгорат страста, како кај жените така и кај мажите.

Она што секако е изненадувачки е дека момците ги пали чистењето и раскревањето по дома. Ако сте помислиле "кој маж чисти дома", вистина, ретко има такви, но токму тоа е причината зошто чистењето им ја зголемува сексуалната желба. "Повеќето мажи не сметаат дека тоа е нивна работа, поради што после чистење се среќни и чувствуваат дека оствариле некоја цел", објаснува психологот Трејси Кокс. Дами, дајте му ја на партнерот крпата во рака, а кога се ќе биде чисто, уживајте во валкањето на постелнината.

Освен чистењето, работи кои ја зголемуваат сексуалната желба кај мажите се излегувањата со момците, добивање пари на игри на среќа, но и уживање во топла купка. Иако не сте помислиле дека освојувањето пари или некоја награда би можело да ја разбуди страста, во такви ситуации "во мозокот се ослободува ексцитациони неуротрансмитери, кои се ослободуваат во текот на сексуалните односи при што го прават сексот поинтензивен", објаснил Кокс.

Иако дамите често се лутат дека нивните партнери гледаат натпревар и поради тоа не им посветуваат доволно внимание, би требало да знаат дека победата на нивниот омилен тим го зголемува нивото на адреналин во нивниот организам, а тоа значи - ќе го доведе во кревет.

Она што кај жените ја буди желбата за секс е губењето на килограми, но и чистата постела, освојување на пари, женски излегувања, топла купка, нова фризура или шминка, покажало истражувањето во кое учествувале 2.000 возрасни луѓе во Британија.