Околу 60% од жените доживуваат одреден облик на сексуално вознемирување на работното место, а за 21% од нив мобингот е постојана појава...

Ова истражување е спроведено од американската правна фирма „Slater & Gordon", на повеќе од 1600 луѓе.

Од истражувањата излегло на виделина дека ниту членовите на посилниот пол не се заштитени на работа. Од сексуален мобинг најмалку еднаш страдале околу 40% од мажите, иако кај нив најчесто станува збор за непримерни коментари отколку за физички контакт.

Општо гледано, во случаи на сексуално вознемирување најчесто станува збор за непримерни допири и коментари, а поретко за уцена со сексуални услуги за задржување на работното место. Злоставувачите се наоѓаат најчесто на лидерските позиции, кои најчесто се мажи во брак во нивните педесетти години, рекле истражувачите.

„Изненадувачки е што широко распространетата сексуална злоупотреба е раширена до тој степен што станала општо прифатена на работното место“, рекла Клер Досон, правна советничка во компанијата што го спроведела истражувањето.

Повеќе од една третина од испитаните жени доживеале непријатни коментари за своите гради, сексуалниот живот, задникот или облеката, додека една од шест жени се бранела од своите колеги кои се обиделе да ја бакнат.