На жените им е полесно да ги кажат овие два збора, а некои мажи многу се мачат со нив. Сепак, само затоа што не ги изговараат, не значи дека не го мислат тоа. Мажите љубовта често ја искажуваат без зборови, а ова се само некои од начините...

Страсвени бакнежи
Постојат некои мажи кои едноставно обожаваат да бакнуваат, а голем број од нив тоа го гледаат како вовед за нешто повеќе. Мажите кои уживаат во долгите, страствени бакнежи покажуваат дека се грижат за вас.

Неговите пријатели ве сакаат
Пријателите на вашето момче можат да бидат многу комплицирана појава во вашиот живот, но ако на вашето момче навистина сте му важни, неговите пријатели ќе вминаваат да се чувствувате добредојдено. Ако со добри кон вас, тоа значи дека се свесни оти сте важна личност за нивниот пријател.

Ве слуша
Уште едно подрачје во кое мажите не се идеални. Мажите кои слушаат што имате да им кажете и кои не забораваат работи за кои сте зборувале, дефинитивно ви даваат до знаење дека искрено ги интересирате.

Се јавува без причина
Песната “I just called to say I love you” најдобро ги опишува работите. Ако ви се јави да ви го слушне гласот или ви праќа порака да ви даде до знаење дека мисли на вас, значи навистина сте му важни.

Гледа романтични комедии со вас
Можеби грешиме, но повеќето мажи едноставно не сакаат романтични комедии. Тоа не е ништо лошо, едноставно е така. Мажот кој е подготвен да ја помине ноќта со пуканки и приказна за парови дефинитивно мисли нешто сериозно.