Љубовните врски во кои мажот е неколку години постар од жената, веројатно се и најчести. Меѓутоа, тоа не значи дека не постојат и оние во кои партнерот е постар 15 или 20 години. Зашто постариот маж е толку привлечен за жените?...

Веројатно првото што ќе ви падне на памет е стабилна финансиска ситуација на мажите во зрели години.

Кога станува збор за избор на партнер, жените неретко ја зимаат во предвид неговата финансиска состојба, која воглавно, но не и нужно, е подобра кај мажите. Веројатно, овде не станува збор само за парите, туку жените ги привлекува тоа што партнерот вложил труд нешто да постигне во животот. Меѓутоа, моќта, работата или парите не се единствената причина зошто жените сакаат постари мажи.

Нивната предност е што имаат доста теми за разговор со своите партнерки, и кога доаѓаат до помали или поголеми кавги, тие поради својата зрелост реагираат различно отколку што би реагирал некој помлад маж.

Зрелоста, освен тоа, со себе носи и одредено искуство, поради што овие мажи се многу повешти со девојките. Тие знаат кога е време за романтика, кој романтичен гест одговара во која прилика, секојдневно ги покажуваат своите чувства. Едноставно кажано, тие знаат што сакаат жените.

Кога станува збор за однесувањето, дамите кај постарите мажи воглавно се воодушевени и од мали, но значајни гестови. Не е невозможно, но тешко дека некој помлад маж, тинејџер, ќе се сети на девојката да и отвори врата, да и го повлече столот, да и го придржи капутот или едноставно да и подари цвет. За развивање на сите овие манири потребно е време и искуство.

Сепак, една од најважните работи во врската е меѓусебното почитување на партнерот, неговото време, чувства...Зрелиот маж знае кога треба да пружа подршка и да биде со жената, а кога да ја "остави на мира", што прави дамите да се чувствуваат сигурно и заштитено.