Според неодамнешно истражување спроведено од страна на Универзитетот во Оксфорд, жената можела да го препознае нејзиниот совршен партнер врз основа на првиот бакнеж...

Поточно, човекот чиј мирис и вкус најмногу ќе и се допадне на жената, се вклопува со нејзиниот имунолошки систем, што го прави совршен кандидат за создавање на заедничко потомство.

Начинот на бакнување исто така е одличен показател за усогласувањето на мажот со жената, и обратно. Токму поради тоа треба да се бакнувате со различни луѓе, а личноста со која ќе се вклопите најмногу е вашиот најдобар партнер.

Бакнувањето не е важно само на почетокот, туку и во подоцнежните фази на врската. Тоа го докажува фактот што бакнежот го одржува чувството на блискост, ја обновува страста и го зајакнува чувството на заљубеност.

Водачот на истражувањето, научникот Рафаел Влодарски, предупредува дека постојат три теории за улогата на бакнувањето во сексуални односи.
Првата теорија е проценка на генетскиот квалитетот на партнерот, втора е постигнување на сексуално возбудување, а трета е одржувањето на односите.