Ако мислевте дека на повеќето луѓе сексот им е на прво место, се лажете. Изгледа дека листата на приоритети се променила, па голем е бројот на оние кои би испиле филџан кафе отколку да имаат секс...

Кога хотелот "Le Merdijen" ги анкетирал своите гости од Кина, Индија, Соединетите Арапски Емирати и Америка за тоа дали поради нешто би пропуштиле да го испијат своето утринско кафе, 53% од анкетираните рекле дека преферираат да се откажат од утринскиот секс во однос на утринското кафе.

За 12% од испитаниците, квалитетниот сон е многу поважен од сексот, а местото за сексуална желба кај многумина е превземено од мобилниот телефон, што го потврдиле 33% од Американците, кои наместо секс бираат паметни телефони.

Да, сите понекогаш сакаме да слушнеме убав збор за себе, но резултатите од студијата спроведена во 2011 година, покажале дека на младите мажи и жени им се поважни комплиментите отколку сексуалното уживање.

На листата на работи кои се поважни од сексуалниот однос, се нашла и храната, а дури 39% од девојките рекле дека сексот би го замениле за својата омилена храна.

Веќе знаеме дека на многумина животот без интернет им е незамислив, но сепак изненадува податокот дека 46% од жените би се согласиле да останат без секс две недели, отколку без интернет. Нешто помал број од мажите, околу 30% од нив, одговориле на ист начин.

Младост или секс? За многу дами е поважно да изгледаат младолико, за што во прилог зборуваат и резултатите од неодамна спроведеното истражување, кога 21% од испитаниците рекле дека би се откажале од сексот на година дена во замена за убав изглед и затегната кожа.