Кој не сака бакнежи?...

Научниците од Оксфорд откриле дека жените преку бакнежите можат да го проценат својот идеален партнер и тоа на основа на мирисот и вкусот. Оној кој најмногу им се допаѓа има комплиментарен имунолошки состав со нивниот и со него имаат најголеми шанси за здраво потомство, пренесува Дејли Мејл.

Исто така, стилот на бакнување може да открие колку како пар можат да се прилагодат еден на друг. Токму затоа, истакнува истражувањето, не е лошо да бакнете и по некоја "жаба", затоа што некоја од нив би можело да се претвори во принц. Повеќе бакнежи, повеќе споредби, а така полесно ќе го најдете најдобриот, односно оној кој најмногу ќе ви одговара. Со тоа, во далечни љубовни фази, бакнувањето има голема улога, затоа што потикнува блискост, ја обновува страста и општо го зголемува чувството на заљубеност. Водичот на истражувањето Рафаел Влодарски истакнува дека постојат три теории за улогата на бакнувањето во љубовните односи. Првата е проценка на генетскиот квалитет на партнерот, втората е постигање на сексуална возбуда, а трета одржување на односите.

Исто така, жените се тие кои општо на бакнежите им придаваат многу поголемо значење, отколку мажите.