Ако мислите дека добрата масажа зависи од тоа колку сте вешти со прстите, грешите. Вклучете ја фантазијата и вашиот партнер ќе се стопи во вашите раце...

Масажата може да биде магична и секси онолку колку што вие сакате. На време подгответе се и се добро испланирајте.

Миризливите свеќи нека бидат единственото осветлување во просторијата во која ќе го масирате партнерот. Романтична музика, удобна простирка на подот, иако масажата може да се направи и на кревет.

Изберете масло со пријатен мирис, она кое вашиот партнер најмногу го сака: лаванда, кокос, ванила, чоколадо...Имајте на ум дека маслото и кондомите "не се сакаат", затоа користете презервативи кои не се изработени од латекс.

Исклучете го мобилниот телефон и почнете.

Партнерот мора целосно да биде гол, но и оној кој масира. Или соблекувањето можете да го направите и во текот на масажата, дел по дел.

Почнете со лесно поминување со врвовите од прстите по грбот на партнерот. Не брзајте. Поминете полека низ секој дел од телото, не прескокнувајте ги ниту прстите, главата и лицето.

Најинтимните делови од телото оставете ги за крај. Колку подолго ја одложувате масажата на внатрешната страна од бедрата, препоните и на крај гениталите, толку уживањето ќе биде поинтензивно.

Можете да бидете и "безобразни" - приближете ги прстите и дланките на "она" место, потоа повторно вратете се на "обичната" масажа на рамењата, грбот...така неколку пати, додека на крај не го изненадите партнерот со "задржување" таму каде што најмногу сака.