Според научниците од универзитетот во Сиракуза заљубувањето навистина е работа на мозокот, а не на срцето. Дури ефектот на "пеперутки во стомакот" е само последица од мозочната активност, при што се ослободува адреналин...

Процесот на вљубување всушност е многу пократок од една секунда, всушност трае само 1/5 од неа, покажува новото истражување.

Стрелката на Амор го погодува срцето со истата брзина со која кокаинот влијае на мозокот. Кога човек ќе се заљуби, 12 зони на мозокот почнуваат да работат и да произведуваат допамин, адреналин, окситоцин и вазопресин, кои се лачат во исто време. Токму овие хемикалии се виновни за она слатко чувство што го чувствуваме, кога мислиме или ја видиме саканата личност.