Без разлика на тоа што свекрвите ги нервираат снаите, а бабите на зетовите, овие две дами всушност носат среќа и добро е да ги гледаме што почесто можеме...



Честиот контакт со родителите на партнерот го зајакнува бракот, според истражување на австралискиот Дикин универзитет.

Истражувачкиот тим го анализирал индексот на среќа кај луѓето кои се во контакт со мајката на нивната сакана личност. Така откриле дека оние кои еднаш неделно се гледаат со своите свекрви и баби, се исклучително задоволни со своите животи.

Заклучиле дека избегнувањето на семејните средби прави повеќе штета, отколку мудрувањето со бабата или свекрвата, а луѓето би можеле да научат многу од блиските односи со родителите на партнерот.

„Оние парови кои редовно се гледаат со бабата или свекрвата имаат два блиски извори на мајчинска поддршка. Стабилното семејство и блиските односи, резултираат со задоволство и среќа, за разлика од оние кои ги избегнуваат семејните собири. Иако повеќето луѓе не го признаваат тоа, дружењето со семејството на партнерот или партнерката, всушност ги развеселува и многу добро им влијае“, вели авторот на истражувањето, д-р Мелиса Вајнберг.