Жените треба да имаат можност да се заштитат од несакана бременост дури еден месец по секс, тврдат истражувачите Њујорк и Стокхолм...

Тие инсистираат фармацевтските компании да развијат верзија на таблета која би ја прекинала бременоста дури откако има создаден ембрион. Но противници на идејата сметаат дека тоа е синоним на абортус, бидејќи жената ќе ја прекине бременоста во период кога можат да развијат дури некои органи и екстремитети на плодот.

Според многу истражувачи тоа може да се претвори во многу популарен метод за контрацепција кај жените. Тие можат да пијат апчиња неколку пати во годината во зависност од тоа кога имале незаштитен сексуален однос.

Статистиката покажува дека околу 3,5 милиони жени во Велика Британија пијат апчиња за контрацепција, кои штитат од несакана бременост врз основа на хормони, кои го одземаат лачењето на јајце клетка. Многу жени страдаат од несакани ефекти, вклучувајќи зголемување на телесната тежина, главоболка, гадење. Во многу сериозни случаи е можно таблетите да го зголемат ризикот од згрутчување на крвта и рак на дојка.

Д-р Елизабет Рејмонд од Њујорк и нејзините колеги од Каролинскиот институт во Стокхолм сметаат дека апчињата можат да се многу барани, дури и ако тоа се смета за некаква форма на абортус. Таблетата ќе биде толку силна што ќе го спречува оплодувањето, дури и тоа да се случи четири недели порано.