Секој има свое мислење и некаква "дефиниција" за љубовта, во однос на искуството кое го доживеал. Прочитајте ги најсмешните дефиниции за ова чувство, кое ги смислиле корисниците на страницата "Urban Dictionery"...

Додека некои мислат дека тоа е природен начин да ги наговорите луѓето на репродукција, други сметаат дека љубовта е или страшна болест или благослов.

За еден од корисниците љубовта е начин на кој природата ни дава до знаење дека дури и кога сме среќни, можеме истовремено да чувствуваме болка.

Можеби најдуховната дефиниција гласи: "Заразна, неизлечива болест, која го погодува умот, а некогаш и телото. Симптомите вклучуваат: непромисленост, влажнење на очите, болки во градите и зголема потреба да бидете со оној кој ве заразил".

Љубовта е кога можете да бидете откачени заедно и да не ви е грижа што мислат другите за вас.

Еден од корисниците љубовта ја смета како најблаг облик на деменција, додека други се надоврзуваат на дефиницијата за љубов како социјално прифатлив облик на зависност.

Некои, пак, за ова чувство бараат и научно објаснување: "Љубовнта е човечка емоција која предизвикува дисбаланс на серотинот во мозокот".

Ова чувство, за некој е "ретка дисфункција која предизвикува интеракција со друга личност".

Љубовта е и пожелна дисфункција на срцето која го ослободува мозокот, доведува до сјај во очите, црвенило на образите и висок крвен притисок.

Некои сметаат дека љубовта е состојба кога можете да биде "шворц" знаедно, а има ги има и оние кои веруваат во бајки, па "љубовта е проклетство поради кое е несреќен целиот машки род".

Одреден број од дамите можеби ќе се пронајде во дефиницијата која вели дека тоа е облик на амнезија кога девојката заборава дека постојат 1.2 билиони други мажи на светот.

"Онаа ситуација кога срцето не сака да го слуша мозокот кој му вели да замолчи".