Соодветниот љубовен партнер го пронаоѓаме така што ги "намирисуваме" компатабилните гени, сугерира новата книга "Компатабилност на гените" од Даниел Дејвис...

Постои еден одреден, мал број човечки гени, кои одредуваат колку некоја личност е привлечна за потенцијалниот партнер. Поради тоа, соодветните партнери можат да се намирисаат, во буквална смисла, тврдат научниците после спроведеното истражување.

Целата студија започнала со експеримент со миризлива маица. Шведскиот зоолог Калус Ведекајд анализирал ДНК од група на студенти, барајќи одредена компатабилност на гените. Студентите биле поделени во групи од 49 девојки и 44 момчиња. Од машките е побарано да носат памучни маици два дена и да избегнуваат алкохол и слични супстанци кои би можеле да влијаат на нивниот природен мирис на кожата.

После два дена, маиците се пакувани во кутии, а дамите требало да ги оценат мирисите на основа на јачината, пријатноста и задволството.

Највисоки "оценки" девојките давале на мирисите на маиците кои ги носеле мажите со поразлични компатибилни гени од своите. Истражувачите сметаат дека причината за тоа што несвесно за себе бираме партнер поради кој нашите потомци ќе имаат одредена генетска предност.

Истражувачите сеуште не пронашле одговори со кои би можеле да докажат дека сеуште ги бираме партнерите на овој начин. Меѓутоа на стотици примероци парови кои со години или со децении се заедно, а кои дале своја ДНК на анализа, овој метод се покажал точен.