Клиторисот е дел од женското тело, чија улога е задоволство, меѓутоа, иако се зборува многу за него, се уште имаме недоволно информации за него...



Имено, не станува збор само за мал дел од вагината, кој е од суштинско значење за да се постигне оргазам, туку се работи за прилично голем внатрешен орган.

Клиторисот за многу луѓе е вистинска мистерија. Повеќето жени, а за мажите и да не зборуваме, не се е доволно информирани што навистина претставува суштинскиот дел од женското тело. Со цел повеќе да ги едуцира луѓето, за овој дел на вагината, уметникот Софија Валас од Њујорк започнала проект, наречен "Cliteracy".

Валас вели дека е шокантно тоа што многу малку луѓе знаат за клиторисот. Делчето од вагината, кое го "активира" оргазмот кај жените бил откриен 1998 година, благодарение на научната работа на австралискиот уролог Хелен О`Конел. Таа уште од тогаш објавила дека клиторисот во опуштена состојба може да достигне и до 9 cm должина, што може да биде подолг и од пенисот кога е во опуштена состојба. Ова значи дека поголемиот дел од клиторисот се наоѓа во внатрешноста, поради што луѓето мислат дека тој е многу помал отколку што е.



Софија Валас напоменува дека не постои оправдана причина зошто жените и мажите не го знаат сето тоа, што всушност претставува клиторисот и додава дека е недозволив начинот на пристап за клиторисот во 21 век. Всушност, дури во порнографија се пристапува кон клиторисот како на нешто чудно, а често и жените се срамат од своите партнери да побараат клиторисна стимулација.

Погрешниот пристап кон овој мал, но моќен дел од женското тело треба да се искорени, а токму тоа и е целта на Софија. Таа за да ги едуцира луѓето за клиторисот, поставила голем златен клиторис на фестивалот „Wassaic Project“ во Њујорк, со тоа што ќе имаат можност да јаваат на "Клит родео".