Сигурни сме дека некои од овие работи веќе ги знаете, но зошто не и сите? Ова се навиките кои ја прават основата на здрава и среќна врска...

1.Изразувајте ги своите чувства
Среќните парови знаат да го изразат она што го мислат и чувствуваат, без воздржување. Секако дека нема баш секогаш да се согласувате, но тоа навистина е знак дека со вашата врска е се во ред.

2.Разговарајте
Среќните парови разговараат за се, се договараат и прават компромис. Во спротивно проблемите само ќе се трупаат и со текот на времето ќе станат неиздржливи. Не допуштајте тоа да и се случи на вашата врска.

3.Излезете надвор
Многу парови, посебно оние во подолги врски, забораваат на забавата, а повеќето признаваат дека токму тоа е она што им недостасува. Одредете си еден ден од неделата кога ќе одите на кино, вечера и ќе се присетите како се започна.

4.Нагласувајте колку се цените
Секој од нас сака пофалби и комплименти. Не заборавајте еден на друг да си давате на знаење колку се сакате, почитувате и колку сте среќни што се имате еден со друг.

5.Земете време за себе
Пресметката е едноставна, ако сте постојано заедно и ништо не правите еден без друг, со текот на времето ќе си здосадите. немојте да заборавите на своите пријатели и пријателки и на тоа како си минувавте со нив пред врската. За некои работи пријатели се незаменливи, а сите знаеме колку добри знаат да бидат дружењата со нив.