Мажите се многу поедноставни од жените, што значидека повеќето од нив живеат со верувањето дека жените не ги набљудуваат детално од глава до пети. Сепак, постојат делови од телото кои ги забележуваат, иако можеби никогаш не сте помислиле на нив...

Веѓи - Несредените или споени веѓи не се баш секси, барем не за повеќето жени. Не велиме дека морате да ги депилирате, но ако се несредени и споени нема да биде лошо малку да ги средите.

Нокти - Огледало на мажите, би рекле многу жени. По нив жените гледаат дали мажот навистина е уреден или не. Убавите, уредни нокти можат многу да помогнат во шармирање на жените, а они несредените го прават спротивното.

Кожа - Знаме дека мажите не се луди за лосиони, но жените се луди за мека кожа. Ако мажот има груба кожа, ретко на која жена ќе и биде привлечно, а решението е многу едноставно.

Стапала - Само затоа што често се скриени не значи дека нема да обрнат внимание на нив. Како и рацете, жените очекуваат и уредни нозе, бидејќи ништо не е полошо од маж кој се прави совршен додека не ги соблече чорапите.

Уши и нос - Во машките уши често растат влакна, кои со текот на времето стануваат се подолги. Исто тоа важи и за носот, а за двата вида влакна постои практично решение. Она што жените не го сакаат се влакна кои излегуваат од сите страни.