Музејот на науката во Ванкувер овој месец се занимава со многу занимлива тема - дали оргазмот може да ја убие болката...

"Сериозно ја сфаќаме науката, но не и себе", вели портпаролот на Музејот на науката Џејсон Бошер, во врска со новото истражување кое се однесува на аналгетскиот ефект на оргазмот.

Беверли Випл, коавтор на "Наука за оргазмот", вели дека оргазмите можат позитивно да влијаат на прагот на болката. Во експериментите на стаорци се покажало дека оргазмите имаат ист ефект како 10 милиграми морфиум на еден килограм телесна тежина.

Исто така, сексуалниот врв предизвикува налет на хормонот окситоцин, кој делува како позитивен неуротрансмитер во мозокот.

Заклучокот на научниците е дека било која болка во нашиот организам може да исчезне или да биде послаба после оргазмот, и тоа во траење од околу 10 минути.